ترجمان گلگت بلتستان حکومت فیض اللہ فراق نے اپنے ایک بیان میں کہا کہ گلگت بلتستان مسلکی تنوع پر مبنی سماج ہے، یہاں ایک دوسرے کے عقائد اور اکابر کا احترام واجب ہے۔ ترجمان نے کہا کہ حکومت نے استور میں امام مہدی کی شان میں گستاخی کرنے والے مقرر کے خلاف کارروائی کا آغاز کیا ہے۔ واقعہ کی استور تھانے میں ایف آئی آر درج ہو گئی ہے اور انشاء اللہ جلد گرفتار بھی کریں گے۔
مظاہرین نے کہا کہ گلگت بلتستان میں کسی کو بھی مذہبی، مسلکی منافرت پھیلانے کی اجازت نہیں دی جائے گی اور خلاف ورزی کرنے والے کے خلاف بلا تفریق قانونی کارروائی کی جائے گی۔ ترجمان نے کہا کہ ایک دوسرے کے عقائد کا احترام سب پر فرض ہے۔ انہوں نے کہا کہ اس معاملے میں حکومت گلگت بلتستان اپنی رٹ ہر صورت قائم رکھے گی۔ جی بی کے عوام سے اپیل ہے کہ پرامن رہیں اور جی بی کے امن و امان کو قائم رکھیں۔ اس واقعہ میں ملوث عناصر کو کیفرِ کردار تک ضرور پہنچایا جائے گا۔
